Tiras de poldro P.R.G. con pementos fritos

GALEGO:

Unha nova receita con poldro de Pura Raza Galega. Receita sinxela e que incluso podemos preparar de un día para outro.

Ingredientes:

• Tiras de filetes de poldro de P.R.G.
• 1 pemento verde
• 1 pemento vermello
• 1 dente de allo
• uns tomatiños cherrys
• maicena
• salsa picante ao gusto
• sal
• pementa
• aceite de oliva
• para  acompañar: brotes verdes ou leituga

Preparación:

Salpimentamos as tiras de carne e as douramos nunha tixola con aceite de oliva. As imos retirando a un prato. Reservamos

Nese mesmo aceite engadimos o dente de allo e os pementos cortados en tiras. Imos dando volta os pementos para que se fritan por tódolos lados  e así evitamos que a maicena que quedou na tixola se queime.

Cando os pementos estean case bradiños engadimos os tomatiños cherris, deixamos cociñar un minuto e engadimos as tiras de carne co xugo que soltaron. Se vemos que nos queda moi seco podemos engadir un pouco de auga.

Probamos de sal e engadimos máis si fose necesario. Deixamos que os filetes se acaben de cociñar.

Servimos acompañando de leituga ou brotes verdes.

Lembremos que desde o principio, en PURAGA, enténdese que a conservación do cabalo galego pasa polo mantemento das grandes greas de bestas bravas nos nosos montes, onde son a raza mellor adaptada e onde cumpren coa súa importante función medio ambiental. Estes animais, producen a partir de forraxe de baixo valor nutritivo, o toxo principalmente, unha carne de gran calidade, que practicamente é descoñecida nas cidades galegas, se ben, nas zonas onde se produce e moi tradicional o seu consumo, tanto en fresco, como en forma de embutidos mesturados con carne de porco.